Корей мәдени орталығы «Астана Балет» театрымен бірлесіп, 28 қараша күні «Астана Балет» театрының сахнасында өтетін әлемге әйгілі виртуоз скрипкашы Лим Джиённің қатысуымен өтетін симфониялық концертке шақырады.

«Астана Балет» театрының симфониялық оркестрі бас дирижер Арман Уразғалиевтің жетекшілігімен романтикалық музыка дәуірінің жауһар туындыларының бірі — Макс Брухтың соль минордағы №1 скрипкаға арналған концертін, op. 26 орындайды.

Лим Джиён — әлемнің жетекші сахналарында өнер көрсетіп жүрген, нәзік музыкалық талғамымен, әсерлі орындау мәнерімен және асқан шеберлігімен танылған скрипкашы. Ол 20 жасында әлемдегі ең беделді музыкалық байқаулардың бірі — Елизавета патшайым атындағы халықаралық байқаудың «Скрипка» санатында жеңіске жеткен алғашқы Корея Республикасының өкілі атанды. Лим Джиён Франкфурт радио симфониялық оркестрі, Брюссель филармониялық оркестрі, Корольдік филармониялық оркестр, Мариин оркестрі және басқа да әлемге әйгілі оркестрлермен бірге өнер көрсеткен.

Лим Джиённің орындауындағы Брухтың әйгілі концерті көрерменге жан тебірентер нәзік лирикадан асқан виртуоздық шеберлікке дейінгі романтикалық музыканың сан қырлы бояуын сезінуге мүмкіндік береді.

Сіздерді романтикалық музыканың ерекше атмосферасына еніп, оркестрдің жанды үні мен скрипканың виртуоздық шеберлігін тамашалауға шақырамыз!

■ Концерт туралы ақпарат

— Өтетін орны: «Астана Балет» театры (Астана, Ұлы Дала даңғылы, 43)

— Күні мен уақыты: 2026 жылғы 28 қараша, сенбі, сағат 18:00

— Бағдарламада: М. Брух — соль минордағы №1 скрипкаға арналған концерт, op. 26

— Орындаушылар:

   ▪ «Астана Балет» театрының симфониялық оркестрі

   ▪ Бас дирижер — Арман Уразғалиев

   ▪ Солист — Лим Джиён

— Билеттер: Ticketon платформасында сатылымда.