1 маусым күні Корей мәдени орталығы Ақмола облысының корей жастары қозғалысымен бірлесіп, Көкшетау қаласындағы «Жағалау» саябағында «Korea Inside» іс-шарасын өткізді.
 
Іс-шара бағдарламасы аясында Ақмола облысындағы «Чинсон» корей мәдени орталығының «Мисо» би ұжымы корейдің дәстүрлі желпуіш биін орындап, сондай-ақ K-pop бағытындағы кавер-билер ұсынылды.
 
Сонымен қатар, корей музыкасы мен дәстүріне арналған викторина қонақтардың ерекше қызығушылығын тудырып, іс-шараға белсенді қатысуына мүмкіндік берді.
 

Іс-шара әртүрлі жастағы қазақстандықтар үшін корей мәдениетімен жақынырақ танысуға, сондай-ақ Кореяға деген қызығушылық пен оның дәстүрлерін түсінуді арттыруға жақсы мүмкіндік болды.