1. Емтихан күні: 2026 ж. 18 қазан (жексенбі)

2. Емтихан түрлері

Кесте 1. Емтихан деңгейлері

НАЗАР АУДАРЫҢЫЗ! 108-ші TOPIK емтиханынан бастап TOPIK I және TOPIK II емтихандарының басталу уақыты бірдей болады — 9:40. Өтінім берер кезде төменде көрсетілген аудиторияға кіру және шығу уақыттарын ескерулеріңізді сұраймыз.

Кесте 2. Аудиторияға кіру/шығу уақыты

3. Онлайн тіркеу

Қатысушылар саны: TOPIK I — 50 адам, TOPIK II — 120 адам.

Назар аударыңыз! Жағдайға байланысты өзгерістер болуы мүмкін.

Онлайн-тіркеу уақыты:

TOPIK I, II: 2026 жылғы 13 шілде (дүйсенбі) сағат 14:00-ден бастап

Назар аударыңыз! Орындар толық толған жағдайда тіркеу мерзімінен бұрын аяқталуы мүмкін.

Тіркелу әдісі: Google Form арқылы(https://forms.gle/LoUuTA3swcQEK9799)

— Тіркеу сілтемесін басыңыз
TOPIK I және TOPIK II тіркеу сілтемелері 13 шілде (дүйсенбі) сағат 14:00-ден бастап Корей мәдени орталығының сайтында және Instagram парақшасында қолжетімді болады.
→ Тапсырушының барлық деректерін дұрыс енгізіңіз
→ 3×4 фотосуретін және жеке куәлігінің сканерленген көшірмесін немесе паспорты/шетелдіктің тұруға ықтиярхатын жүктеңіз
→ «Жіберу» батырмасын басыңыз.

• ●Туу туралы куәлік, студенттік билет, көлік картасы және т.с.с құжаттар жеке басты куәландыратын құжат ретінде қабылданбайды.

• ●Жеке куәлігіңіздің көшірмесі (скан немесе суреті) мен 3х4 өлшемдегі (200 КБ аспайтын) төлқұжат стандартына сәйкес фотосурет дайындау қажет (Фотосурет соңғы 6 айда жасалған болуы керек).

• ●Тіркеу кезек тәртібімен жүзеге асырылады және орындар толық толған жағдайда автоматты түрде жабылады.

• ●Онлайн тіркеу әр адамға жеке жүргізіледі, топтық тіркеуге жол берілмейді.

Онлайн тіркелу үшін:

• ●Қатысушының Google аккаунты болуы керек (@gmail.com электрондық поштасы). Бір аккаунтпен тек бір адамды ғана тіркеуге рұқсат етіледі.

• ●Жеке басты куәландыратын құжаттың сканерленген нұсқасы: жеке куәлік, төлқұжат немесе шетелдік азаматтың ықтиярхаты. (Туу туралы куәлік, студенттік билет, көлік картасы және т.с.с құжаттар жеке басты куәландыратын құжат ретінде қабылданбайды)

• ●Соңғы 6 ай ішінде түсірілген 3×4 өлшеміндегі фотосурет.

Назар аударыңыз! Тіркелу барысында өткізген жеке мәліметтер немесе құжаттар толық және дұрыс болмаған жағдайда қатысушы тіркелмеген болып есептеледі.

4. Құжаттар мен төлем

Қолма-қол ақшамен төлем: 2026 жылғы 15 шілдеден (сәрсенбі) 16 шілдеге (бейсенбі) дейін, сағат 10:00-ден 17:00-ге дейін. Түскі үзіліс: 12:30–13:30

Kaspi арқылы төлем: 2026 жылғы 15 шілдеден (сәрсенбі) 16 шілдеге (бейсенбі) дейін, сағат 09:00-дан 14:00-ге дейін (көрсетілген мерзімнен бұрын немесе кейін жасалған төлемдер қабылданбайды, ал тіркеу жойылады).

Төлем жасау әдісі:

4.1. Қолма-қол төлем:

• ●Емтихан жарнасын төлеу және қатысу туралы өтініш бланкін алу құқығы тек онлайн тіркеуден өткен және Корей мәдени орталығының сайтында жарияланған тізімге енген қатысушыларға ғана беріледі.

• ●Онлайн тіркеуден өткеннен кейін қатысушы төлем жасау мерзімі ішінде Корей мәдени орталығына келіп, емтиханға қатысу туралы толтырылған өтініш қағазын (өтініш қағазын алдын ала сайттан жүктеп, үйде толтыру қажет), жеке куәліктің (немесе төлқұжат, шетелдіктің ықтиярхат) көшірмесін тапсырып, емтихан жарнасын төлеуі тиіс.

• ●Жарна төлеген қатысушылардың тізімі төлем мерзімі аяқталғаннан кейін Орталықтың сайтында жарияланады.

• ●Егер емтихан жарнасы белгіленген мерзімде төленбесе, тіркеу күшін жояды және келесі емтиханға қатысу мүмкіндігі болмайды.

• ●Жарнаны сенімді тұлға арқылы төлеуге болады (бір адам тек бір қатысушы үшін төлей алады); ұжымдық төлем қабылданбайды.

4.2. Kaspi арқылы төлем:

• ●Емтихан жарнасын төлеу және қатысу туралы өтініш бланкін алу құқығы тек онлайн тіркеуден өткен және Корей мәдени орталығының сайтында жарияланған тізімге енген қатысушыларға ғана беріледі.
  Онлайн тіркеуден өткен қатысушыларға ғана емтихан жарнасын Kaspi арқылы төлеуге рұқсат етіледі

• ●(Төлем жасауға қажетті реквизиттер кейін жарияланады).

• ●Қатысушы белгіленген төлем мерзімі ішінде емтихан жарнасын өзінің Kaspi шотынан (немесе сенімді адамның шотынан) аударуға міндетті. Содан кейін төлем түбіртегі мен емтиханға қатысу туралы өтініш қағазын (өтініш формасын Орталықтың сайтынан жүктеп алып, үйде толтыру қажет) Корей мәдени орталығының astana.topik@gmail.com электронды поштасына жіберуі тиіс.

• ●Жарна төлеген қатысушылардың тізімі төлем мерзімі аяқталғаннан кейін Орталықтың сайтында жарияланады.

• ●Егер емтихан жарнасы белгіленген мерзімде төленбесе, тіркеу күшін жояды және келесі емтиханға қатысу мүмкіндігі болмайды.

Емтихан жарнасы: TOPIK I (1, 2 деңгейлер) – 10 000 теңге, TOPIK II (3, 4, 5, 6 деңгейлер) - 15000 теңге

Емтихан жарнасын қолма-қол ақшамен төлеу орны: Корей мәдени орталығы (Астана қ., Иманов көшесі, 13-үй)
Тел. +7 (7172) 901-113~5

Қолма-қол төлем жасау үшін керек құжаттар тізімі: басып шығарып, толтырылған өтініш қағазы (анкета), 3x4 өлшемдегі 2 дана фотосурет, қолма-қол ақша мен жеке куәліктің (немесе паспорттың) көшірмесі.

Құжаттар бойынша маңызды ақпарат:

• ●Жеке куәлігі, төлқұжаты немесе шетелдіктің ықтиярхаты жоқ қатысушылар, емтиханға тіркеле алмайды.

• ●Туу туралы куәлік, студенттік билет, көлік картасы және т.с.с. құжаттар жеке басты куәландыратын құжат ретінде қабылданбайды.
  Мүмкіндігі шектеулі қатысушылар келесі құжаттарды қосымша тапсыруға міндетті: арнайы өтініш және медициналық анықтама (1 дана).

• ●Денсаулық жағдайына байланысты электрондық құрылғыларды (қант деңгейін өлшейтін құрал және т.б.) пайдалануы қажет үміткерлер өтініш берер алдында Корей мәдени орталығының TOPIK қабылдау электрондық поштасына (astana.topik@gmail.com) алдын ала рұқсат алу туралы өтініш жолдауы тиіс.
  Өтінішке төмендегі құжаттар қоса тіркелуі қажет: пайдаланылатын электрондық құрылғы туралы толық мәлімет (дыбыс шығару-шықпауын көрсету), дәрігердің анықтамасы (медициналық қорытынды) — әрқайсысы 1 дана.

• ●Егер қатысушы Қазақстан азаматы болмаса, төлқұжат көшірмесі қажет.

Емтихан ақысын қайтару мерзімі мен әдісі:

Қайтарымға өтініш беру тәсілі:

• ●Қайтарым кезеңінде TOPIK қабылдау поштасы (astana.topik@gmail.com) арқылы өтініш жолдау қажет. Өтінішке келесі құжаттар тіркеледі: емтихан төлемі туралы түбіртек, жеке куәліктің скан нұсқасы, тапсырушының аты-жөні, қайтарым жасалатын банк шотының нөмірі. 2026 жылғы 16 шілдеден кейін төлем сомасы нақты бекітілетіндіктен, 17 шілдеден бастап қайтарым жасауға болмайды.

• ●Қайтарым 2026 жылғы 16 тамыздан кейін басталады.

• ●Қаражатты қайтаруға берілген өтінімді қайта кері қайтару мүмкін емес. Қайтарым рәсімдеген үміткерлер емтиханға жіберілмейді.

5. Емтихан тапсырушылардың аудиториясын анықтау

Емтихан тапсырушылардың аудиториясын Корей мәдени орталығының сайтында көруге болады.

Уақыты: 2026 ж. 13 қазаннан (сейсенбі) бастап

6. Емтихан тапсыру орны

Емтихан өтетін орын: Абай Құнанбайұлы атындағы №87 гимназия, Иманов көшесі, 37.

Назар аударыңыз! Емтихан күні жеке куәліктің немесе паспорттың түпнұсқасы міндетті түрде өзіңізбен бірге болуы қажет. eGov немесе Kaspi Bank қосымшасындағы жеке куәлікпен тестілеу орнына кіруге рұқсат етілмейді.

7. Басқа да маңызды ақпарат

• ●Тіркеу бірінші тіркелгендер кезегімен жүргізіледі. Сол себепті уақытынан ерте аяқталуы мүмкін.

• ●Корей тілі бойынша емтиханға тіркелу үшін алдымен онлайн тіркеуден өту, содан кейін емтихан жарнасын төлеу және соңында тестке қатысуды растайтын құжатты алу қажет.

• ●Тіркеуді растау үшін келесі құжаттарды тапсыру қажет: емтихан жарнасының төлемі, жеке куәлік және фотосурет.

• ●Жеке деректерді толық ұсынбаған немесе белгіленген мерзімде төлем жасамаған қатысушылардың тіркелуі жойылады.