Корей мәдени орталығы 20 мамыр сәрсенбі күні «2026 жылғы корей тілінде шешендік өнер және шығарма байқауын» өткізді.

Аталған шешендік өнер және шығарма байқауына Астана, Алматы, Тараз, Атырау, Павлодар қалаларын қоса алғанда, Қазақстанның 7 өңірінен 60-тан астам адам өтінім берді.

Бірінші кезеңнің іріктеуінен өткен бастауыш және орта деңгейдегі сөйлеу бағытының 15 қатысушысы «Менің өмірімдегі корей тілі», «Менің корей тілін үйрену себебім», «Менің ең қымбат қазынам» тақырыптары бойынша сөз сөйледі. Ал шығарма байқауының қатысушылары « Менің өмірімді өзгерткен бір сөйлем», «Мен ғана білетін Кореяның тартымдылығы» тақырыптары бойынша жазба жұмыстарын ұсынды.

Шешендік өнер байқауы бойынша бас жүлде иегері атанған Алибекова Мақпал Седжон институтының шақыруымен Кореядағы оқу бағдарламасына және финалдық кезеңге қатысу мүмкіндігіне ие болды. Сонымен қатар І, ІІ және ІІІ дәрежелі диплом иегерлеріне дипломдар мен сыйлықтар табысталды, ал байқауға қатысқан барлық қатысушыларға сертификаттар берілді.