15 мамыр күні Корей мәдени орталығында корей тілі курстары мен мәдени бағдарламалардың көктемгі семестрін аяқтау рәсімі өтті.

Іс-шара барысында Корей мәдени орталығы қаңтар айынан мамыр айына дейін өткен көктемгі семестр курстарын аяқтаған тыңдаушыларды құттықтап, оларға сертификаттар мен «үздік жетістіктері үшін» және «ең жоғары нәтиже көрсеткені үшін» грамоталарын табыстады.

Іс-шараның ерекшелігі — Корей мәдени орталығында 8 семестр бойы корей тілі курстарын оқып, барлық деңгейді аяқтаған түлектерге арналған алғашқы бітіру кешінің өткізілуі болды. Түлектер сабақтар туралы естеліктерімен және оқуын аяқтағандағы әсерлерімен бөлісті.

Марапаттау рәсімінен кейін мәдени курстарға қатысушылар өнер көрсетті. Бағдарламада дәстүрлі корей билері, K-POP би нөмірлері, сондай-ақ арнайы құттықтау қойылымы ұсынылды. Іс-шара қонақтары арнайы фотоаймақта естелік суретке түсу мүмкіндігіне ие болды.

Көктемгі семестр курсын аяқтаған барлық тыңдаушыларды құттықтаймыз!

Корей мәдени орталығы алдағы уақытта да түрлі білім беру бағдарламаларын ұсынуды жалғастырады. 

Жаңалықтарымызды бақылап отыруға шақырамыз.