14-15 ақпан күндері Астана қаласындағы Қ. Қуанышбаев атындағы Қазақ ұлттық музыкалық-драма театрында «Париждегі екі әйел» атты спектакльдің премьерасы өтті. Қойылым Корея Республикасы Елшілігінің Корей мәдени орталығының қолдауымен жүзеге асырылып, кореялық «Р.І.А.С» театры мен Қ. Қуанышбаев атындағы театрмен бірлесіп ұйымдастырылды.

Жобаның басты ерекшелігі — бір сахнада үш елдің: Корея Республикасы, Қазақстан Республикасы және Ресей актерлерінің бірлесіп өнер көрсетуі болды.

Кореяның азат етілуінің 80 жылдығына арналған спектакль корей диаспорасының өмірі, олардың тәуелсіздік жолындағы күресі, сондай-ақ депортацияға ұшыраған корей халқына қолдау көрсеткен қазақ халқының ынтымақтастығы туралы баяндайды. Астанада өткен премьераны екі күн ішінде 1 200-ден астам көрермен тамашалады.