Корей мәдени орталығы 2025 жылғы 24 желтоқсан күні Алматы қаласындағы «Grand Park» сауда-ойын-сауық орталығында жыл қорытындысына арналған «Korean Culture Winter Day» корей мәдениетінің қорытынды концертін өткізді.

Аталған мәдени кеш "Yoosan Community" қауымдастығымен бірлесіп өткізілді. Концерттік бағдарлама аясында «Намсон» дәстүрлі би ұжымының өнер көрсетулері, сондай-ақ K-POP кавер-дэнс жанрындағы қойылымдар көрермен назарына ұсынылды. Сонымен қатар, Корея тақырыбында интерактивті викторина ұйымдастырылып, келушілердің белсенді қатысуына мүмкіндік берілді.

Көпшілік жиналатын сауда-ойын-сауық орталығы аумағында өткізілуі корей мәдениетін әртүрлі жас санатындағы кең аудиторияға танытуға ықпал етті.

Шара жоғары ұйымдастырушылық деңгейде өтіп, келушілер тарапынан жағымды қызығушылық пен оң пікірге ие болды.