Кореяның дәстүрлі музыка ұлттық орталығының «Кореяның музыкасы, билері мен әндері» концерті

ДЕНЬ ОБЪЯВЛЕНИЯNov 22, 2025
ЧИСЛО ЗАПРОСОВ21 Hit

Корей мәдени орталығы Кореяның дәстүрлі музыка ұлттық орталығымен (Кугак) бірлесіп 20 қараша күні сағат 19:00-де Астана қаласындағы «Астана Опера» мемлекеттік опера және балет театрында, сондай-ақ 22 қараша күні сағат 17:00-де Алматы қаласындағы Республикалық мемлекеттік академиялық корей музыкалық комедия театрында «Кореяның музыкасы, биі және әндері» концертін өткізді.

Концерт Корея Республикасының Мәдениет, спорт және туризм министрлігі мен Кореяның халықаралық мәдени алмасу қорының (KOFICE) қолдауымен, корей өнерін әлемге танытуды және мәдени ынтымақтастықты кеңейтуді мақсат еткен «2025 Touring K-Arts» халықаралық бағдарламасы аясында өтті.

Концертке дәстүрлі музыка мен би бойынша «Оннара» ұлттық байқауының лауреаттары қатысты (ұйымдастырушысы – Кореяның дәстүрлі музыка ұлттық орталығы). Орындаушылар ажэн-санджо, пхансори, кагок, халық әндері, шағын құрамдағы аспаптық музыка және заманауи туындыларды ұсынып, корей дәстүрлі өнерінің тереңдігі мен әсемдігін паш етті.

Концерттің ерекше кульминациясы қазақтың ұлы ақыны Абай Құнанбайұлының 180 жылдығына арналған финалдық нөмір болды. Ақынның екі танымал шығармасы корейдің дәстүрлі музыкалық аспаптары мен қазақтың ұлттық аспаптары — жетіген мен қобыздың сүйемелдеуімен орындалып, Корея мен Қазақстан арасындағы мәдени қарым-қатынастың маңызын айқын көрсетті.

<한국의 악가무> 아스타나 공연(11.20.)