15 қараша күні сағат 16:00-де Корея мәдени орталығы «Корё» Жамбыл облысының корейлер
қауымдастығымен бірлесіп қауымдастықтың құрылғанына 35 жыл толуына арналған мәдени іс-шара 
өткізді. Іс-шара Тараз қаласындағы А. Тоқпанов атындағы Жамбыл облыстық қазақ драма театрында өтті.

Негізгі бағдарламаға дейін Тараз қаласындағы Достық үйінде мәдени материалдарды табыстау рәсімі өтті. 
Қауымдастыққа ханбок, ұлттық музыкалық аспаптар мен дәстүрлі ойындарға арналған бұйымдарды қоса 
алғанда, 7 санат бойынша 16 зат тапсырылды.

Сондай-ақ Республикалық мемлекеттік академиялық корей музыкалық комедия театрымен бірлесіп жүзеге 
асырылатын «2025 KCC K-Culture Academy» бағдарламасын аяқтағанқатысушыларға сертификат тапсыру 
рәсімі ұйымдастырылды. Тараз қаласында бұл бағдарламаны15 қатысушы сәтті тәмамдады: 7 — самульнори 
бағыты, 8 — дәстүрлі би бағыты бойынша.

Корей театрының әртістері екі ел мәдениетінің үндестігін көрсететін қойылымдар ұсынды. <Туған жер> 
және <Один народ, одна земля> сияқты шығармалар көрерменнің зор ықыласына бөленіп, корей 
диаспорасының тарихы мен бірегейлігін терең аша түсті.

Кеш соңында барлық әншілер мен әртістер сахнада бірігіп <Атамекен> және <Ариран> әндерін орындап, 
екі ел арасындағы достық пен мәдени ынтымақтастықты айқын көрсетті.