Корей Республикасының Қазақстандағы Елшілігінің Корей мәдени орталығы және Алматы қаласы әкімдігі 2025 жылғы 27 маусым (жұма) күні Алматы қаласындағы Республика сарайында Кореяның азаттығының 80 жылдығы мен Абай Құнанбайұлының 180 жылдығына арналған «Ғасырлардан жеткен шабыт...» атты мерекелік концерт өткізеді. Баршаңызды осы мәдени шараға қатысуға шақырамыз.

Іс-шара туралы жалпы ақпарат

Күні мен уақыты: 2025 жылғы 27 маусым (жұма), сағат 19:00

Өтетін орны: Республика сарайы, Алматы қаласы

Ұйымдастырушылар: Корей мәдени орталығы, Алматы қаласының әкімдігі

Демеушілер: LG Electronics Kazakhstan, Shinhan Bank Kazakhstan

Серіктестер: Корея Республикасының Алматы қаласындағы Бас Консулдығы, Республикалық мемлекеттік академиялық корей музыкалық комедия театры, Алматы корей ұлттық орталығы, Алматы әуендері

Концерт мазмұны

Концерт Қазақстан мен Корея елдерінің тарихы мен рухани мұрасын көрсетуге бағытталған. Корей халқының жапон отаршылдығы, мәжбүрлі көші-қон, азаттық кезеңі, сондай-ақ Абай Құнанбайұлының өмірлік жолы — барлығы би, театр және вокал өнері арқылы сахналанады.

Қатысушылар туралы

– Республикалық мемлекеттік академиялық корей музыкалық комедия театры

Республикалық мемлекеттік академиялық корей музыкалық комедия театры 1932 жылы Қиыр Шығыста құрылды. Бұл театр — Корей түбегінен тыс жалғыз мемлекеттік академиялық корей театры. Театрда корей дәстүрлі өнерінің барлық дерлік жанрлары ұсынылған: дәстүрлі корей биі труппасы, «Самульнори» фольклорлық-этнографиялық ансамблі, драма труппасы, вокалды-аспапты ансамбль және жеке вокалистер.

Бүгінде театр — тек Қазақстан кәрістерінің ғана емес, сондай-ақ бұрынғы ТМД елдеріндегі кәріс қауымдастығы мәдениетінің орталығы болып табылады. Сонымен қатар, көпұлтты Қазақстанның мәдениетінің ажырамас бір бөлшегі.

– Алматы әуендеріне қарасты әртістер

«Жаңа Ғасыр» театры

Жас театр «Жаңа Ғасыр» 2018 жылы Алматы қаласы Мәдениет басқармасының қолдауымен Алматы әуендері КМҚК базасында құрылды. Театр әртістері — КСРО халық әртісі, ҚР Еңбек Ері А. Әшімовтің шәкірттері. Қазіргі уақытта театр репертуарында Мұхтар Әуезовтің «Қарагөз» трагедиясы, Иоганн Штраустың «Жарқанат» комедиясы және басқа да 8 қойылым бар.

«Арқайым» этно-тобы

«Арқайым» дуэтінің орындауындағы «Neo-Ethno-Folk» – бұл мүлде жаңа музыкалық бағыт. Қобызшы Анар Қасымова мен бірнеше аспапта (домбыра, сырнай, соқпалы аспаптар) ойнайтын мульти-аспапшы Абзал Арықбаевтың орындауындағы бұл стиль — әртүрлі этностардың музыкалық қабаттарына негізделген, музыкалық стильдердің синтезінен құралған композиция.

Дәлел Уашев

Алматы консерваториясының түлегі, баритон. Уфа қаласында өткен «Алтын күз» халықаралық фестивалінің жеңімпазы. Оның репертуарында қазақ халық әндері, қазақстандық және шетелдік композиторлардың шығармалары, романстар бар.

– Mezzo тобы

Mezzo — опера мен классикалық музыканы поп элементтерімен біріктіретін классикалық кроссовер стилінде жұмыс істейтін қазақстандық вокалды топ. Топ құрамында төрт солист бар. 2012 жылы бұл ұжым «X-Factor» тележобасының жеңімпазы атанып, сол жылы «Алтын Адам – Қазақстандағы жылдың таңдауы 2012» марапатына ие болды.

Билеттер туралы ақпарат

Тарату мерзімі: 2025 жылғы 11 маусымнан бастап, сағат 10:00–16:00 (демалыс және түскі үзіліс кезінде – берілмейді)

Орны: Корея Республикасы Елшілігі жанындағы білім беру орталығы (Абай даңғылы 159А, тел: +7(7273) 92-91-20 / 23)

* Бір адамға екі билетке дейін ғана беріледі.

* Орындар бекітілмеген, кешіккен жағдайда кіруге рұқсат берілмейді.

Қосымша шаралар мен жарнама стендтері

Жарнама стендтері: 17:00–19:00 аралығында LG, Shinhan Bank, KTO, aT ұйымдарының стендтері (Республика сарайының фойесінде)

Қосымша шара – «K-pop Random Play Dance»: 16:30–17:30, Республика сарайы алдындағы алаңда

Арнайы ұтысойны: LG-ден сыйлықтар ойнатылады (кірген билеттер арқылы)

* Жоғарыда көрсетілген қосымша шараларға билетсіз де еркін көруге болады.