재외한국문화원 Overseas Korean Cultural Center
- Қазақстан
- Астана
-
- Maqsut Narikbayev University университетінде «Cherry Blossom Festival» іс-шарасы өтті
- 7 сәуір күні (дүйсенбі) сағат 14:00-де Корей мәдени орталығы Maqsut Narikbayev University университетінің «Hangyu» студенттік клубымен бірлесіп «Cherry Blossom Festival» атты іс-шарасын өткізді. Аталған іс-шарада дәстүрлі ойындар мен шеберлік сабақтардан бөлек, фотоаймақ ұйымдастырылып, қатысушылар Кореяның көктемгі атмосферасы мен дәстүрлі мәдениетін тікелей сезініп көруге мүмкіндік алды. Сонымен қатар, іс-шара аясында Кореяда академиялық алмасу бағдарламалары бойынша оқудан өткен студенттердің баяндамалары жасалды. Олардың презентациялары қатысушыларға тәжірибе алмасуға және корей оқу семестрі қалай басталатынымен танысуға мүмкіндік берді.
-
- Назарбаев Университетінде K-pop мюзикл өтті
- 2025 жылғы 5 сәуір (сенбі) күні сағат 19:00-де Астана қаласындағы жетекші жоғары оқу орны — Назарбаев Университетінде Корей мәдени орталығы мен университет жанындағы «YBS» K-pop кавер би клубының бірлескен ұйымдастыруымен «The: Last Sunrise» атты K-pop мюзиклі өтті. Көрсетілім басталмас бұрын көрермендерге арналған мәдени бағдарлама ұйымдастырылды. Аталған бағдарлама аясында уақытша татуировкалар стенді жұмыс істеді, сондай-ақ әлеуметтік желілерде арнайы ивент өткізілді. Ивент барысында Корей мәдени орталығының әлеуметтік желілеріне жазылған қатысушыларға жарқырайтын таяқшалар табысталып, бұл концерттік алаңда ерекше атмосфера қалыптастырды. Ұсынылған мюзикл мистикалық триллер жанрына жатады: ежелгі қарғыс салдарынан қарапайым мектеп өмір сүру үшін күрес алаңына айналып, оқушылар дыбысқа әрекет ететін жұмбақ жаратылыстармен шайқасуға мәжбүр болады. Қойылымда PSY орындаған «Daddy» және ATEEZ тобының «Guerrilla» секілді K-pop бағытындағы 10 танымал ән пайдаланылды. Жоғары деңгейдегі орындаушылық пен қарқынды режиссура көрермендердің зор ықыласын тудырды. Қойылым аяқталған соң көрермендер шапалақтап, жылы пікірлерін білдіріп жатты. K-pop пен мюзикл жанрын үйлестірген ерекше формат көрермендерге ұмытылмас әсер сыйлады.
-
- Еуразия ұлттық университетінде «Корей мәдениетінің көктемгі фестивалі» өтті
- Корей мәдени орталығы 4 сәуір (жұма) күні сағат 16:00-де Л.Н. Гумилев атындағы Еуразия ұлттық университетінде «Хорани» студенттік клубымен бірлесіп «Корей мәдениетінің көктемгі фестивалі» атты іс-шара өткізді. Бұл іс-шарада дәстүрлі ойындар мен мастер-класстардан бөлек, ханбок киіп көру секілді бағдарламалар арқылы қатысушыларға Корея көктемінің жарқыраған көрінісін сезінуге мүмкіндік берілді. Сондай-ақ, Кореяға қатысты викторина арқылы қатысушылар Корея мәдениеті туралы нақты әрі пайдалы ақпарат ала алды.
-
- Астана корей жастары қозғалысымен бірлесіп «K-Survival» іс-шарасы өткізілді
- 22 наурыз (сенбі) күні Корей мәдени орталығы Астана қаласындағы «Dopșy Arena» спорт кешенінде Астана корей жастары қауымдастығымен бірлесіп «K-Survival» іс-шарасын ұйымдастырды. Әлеуметтік желілер арқылы алдын ала тіркелген қатысушылар арасында «Дөңгелек, дөңгелек жұптасу» ойыны, писокчиги, пеңичиги сынды корей дәстүрлі ойындары негізінде жасалған сайыс өткізілді. Ұпай жинау жүйесі бойынша үздік шыққан 10 жеңімпаз анықталды. Корей мәдени орталығы жеңімпаздарға арнайы сыйлықтарын табыстап, қатысушылардың жоғары қызығушылығының арқасында іс-шара сәтті аяқталды.
Орталық туралы
- Жұмыс уақыты
- Дс.-бс. 9:00-20:00, Жм. 09:00 - 18:00 (сб., жс. - демалыс күні/қосымша хабарландыруға дейін)
- Телефон
- +7 (7172) 901-113~5
Хабарлама
Корей толқыны
-
- KOREA журналы, 2025 жыл сәуір
- 우리 술
-
- New Growth 4.0, 15 Projects for Korea's Big Leap
- If you have any chance to visit Korea, you can also watch this advertisement at the same time through outdoor electronic boards throughout all over the country. We are friendly asking for your support so that the new growth 4.0 strategy shall lead the Korean economy and leap into the top-class country.
